Ամառային ճամբարի հաշվետվություն

Մայիսի 30-ից հունիսի 10-ը Միջին դպրոցում եղել եմ 6-1/2/ ջոկատի ջոկատավարը: Ճամբարային օրերին երեք օր աշխատել եմ Դպրոց-պարտեզի 5-1 ջոկատի հետ: 

Իմ բլոգում նախապես հրապարակված է եղել ջոկատի ճամբարային գործունեությունը:  

Հիմնական նախագիծը Թարգմանչական ստուգատեսին մասնակցելն էր և ,,Արևիկ ,, ամսագրի համար թարգմանություններ անելը:

5-1 ջոկատում թարգմանություններից բացի կազմակերպել ենք քաղաքային ընթերցումներ. այցելեցինք Գաֆեսճյան արվեստի կենտրոն, հետո քայլեցինք քաղաքում և կարդացինք Չարենց:

Եվս մեկ օր ճամփորդեցինք քաղաքից դուրս, բարձունք հաղթահարեցինք, ճանաչեցինք և բացահայտեցինք հայրենիքի մի մասը. Մեղրաձոր-Թեժայռուք:

Ճամբարային նախագծում ներառված էր նաև խոհանոցային գործունեությունը. պատրաստեցինք համեղ պիցցա, շոկոլադե բանաններ: Ակտիվ մասնակցություն ունեցան աղջիկները, իսկ տղաները ստեղծագործական մոտեցում ցուցաբերեցին պիցցա պատրաստելիս: 

Երգն ու պարն անբաժան են  մեզնից նաև այս օրերին. մասնակցեցինք Յու. Բախչյանի այգում կամզակերպված երգատոն-պարատոնին, Անտիվիրուս Կոմիտաս նախագծին, տերմինահարուհու երաժշտական սեմինարին:

Մեր օրը գունեղ և հետաքրքիր էին դարձնում մարզական խաղերը և ռազմամարզական մրցույթները: Մրցույթներին մասնակցում էին նաև 5-րդ դասարանցիները:

Պարոն Մարգարյանի հետ իրականացրել ենք ,,Ազգային խաղեր,, նախագիծը, սովորեցինք մի քանի ազգային խաղ, խաղացինք, օր՝, ,,Յոթ քար,, և ,,Կռափայտ,,:

Մասնակցել ենք նաև ,,Սեբաստացի,, ռադիոյի ձայնագրման աշխատանքներին, երկու ռադիո ենք ձայնագրել: 

Ռադիո 1

Ռադիո 2 

Գրական ընթերցումներ ենք կազմակերպել նաև Մայր դպրոցին հարակից այգում: 

Ամենատպավորվածը ,,Բարձունքի հաղթահարում,, նախագիծն էր, որն այս անգամ իրականացրինք Վայոց Ձորի Հերհեր գյուղում:  

Կրթահամալիրի թարգմանիչների խմբով մասնակցել ենք ուխտագնացություն-արշավի դեպի Օշական՝ հարգանքի տուրք մատուցելու առաջին թարգմանիչ Մեսրոպ Մաշտոցին: 

 Ընթացքում նաև մնջախաղի թատրոնի փոձեր ենք արել, սովորողների մոտ բավականին լավ էր ստացվում այս ձևով աշխատելը և զարգացնում էր ստեղծագործական կողմը: 

Այսպիսով, հագեցած և հետաքրքիր երկու ճամբարային շաբաթ ենք ունեցել, որի ընթացքում ուսումնական- հայրենագիտական երկու ճամփորդություն ենք կազմակերպել /Մեղրաձոր, Օշական/ , մեկ գիշերակացով ճամփորդություն, իրականացրել ենք երեք նախագիծ, քայլել ենք, մարզվել, երգել, սովորել նոր պարեր: Ամառային ճամբարը համարում եմ հաջողված: 

Սովորողների արձագանքներից

Ճամբարի առաջին օրը. Մարկ Միկաիլ

Ճամբարի երրորդ օրը. Մարկ Միկաիլ 

Ամառային ճամբարը մեկնարկեց . Աստղիկ Ավագյան

Ճամբարային առօրյան 6-1 ջոկատում. Մարիամ Մայիլյան, Մանե Մանուկյան

Եվս մի հետաքրքիր ճամբարային օր . Գոռ Սաֆարյան, Էլինա Մարտիրոսյան

Ճամբարային երկրորդ օրը 6-1 ջոկատում. Ռուզան Ղազարյան

Ջոկատավար՝ Տաթևիկ Աբրահամյան